I dag må du bera meg

 

Små føter vert fort trøtte når dei må gå langt.

Kan du hugsa då du var liten, strekte hendene opp mot ein sterk far og sa: "Kan du bera meg?"
Det kan koma slike tider i eit menneskeliv, då det er tungt å gå vidare.
Det kan vera mange grunnar til det, men uansett grunn:

Du er aldri forlaten av han som har lova å bera deg.

"Til dykkar alderdom er eg den same, til de grånar i håret skal eg bera dykk..." (Jes. 46,4)

Du som prøver det du kan å skjula dine svake sider, du likar ikkje å vera hjelpelaus,
men det er ein som ser bakom den tilsynelatande sterke fasaden.

Han ser di hjelpeløyse, dine tårer når du er åleine.

Han ser dine skjulte sår som berre du veit om.

 

Han kan og han vil bera deg og halda deg oppe ved sitt ord og sine lovnader.
Du skal få lov å vera barn i far sine armar.
Det er ikkje farleg å vera svak når du har ein sterk far!

.................................. 

 

 

I DAG MÅ DU BERA MEG JESUS 

 

 

I dag må du bera meg, Jesus! Eg veit ikkje kor eg skal gå.

Men du veit om alt det som ventar. Kva glede og sorg eg skal få.

 

I dag må du bera meg, Jesus! Mi sjel er som vatn i meg.

 Lik redde og oppskremde fuglar flyg tankane mine sin veg.

 

I dag må du bera meg, Jesus, i lovnaden som du har gitt.

La ordet ditt tala til hjarta så eg kan få sjå det er mitt.

 

I dag må du bera meg, Jesus! Mi angst og mi bør er så stor.

 La sanninga frigjera tanken i kraft av ditt levande ord.

 

I dag har du bore meg, Jesus! I dag fekk eg sleppa å gå.

I handa di, Far, fekk eg kvila frå alt det eg ikkje forstår.

 

.................................

 

Skreve av

Annbjørg Helland Sævareid

 

Annbjørg har nylig kome med si tredje diktsamling,
"Doggdråpar", utgitt på Sambåndet Forlag.

Eg har spurt henne om løyve til å blogge frå bøkene hennar

då eg kjøpte ei diktbok. Og løyve fekk eg :-)

 

....................................

 

Med ynskje om God helg til nettopp deg frå meg, Sigrid