Vårsola

kastar glans over ei gamal pute..
smyg seg inn..
dansar over rommet..

viser meg at vindauga skulle hatt ein vask
at teppet skulle vore støvsuga
avslørar det eg helst vil skjule 
den avdekkar mi sløvheit

 Skit som ein ikkje ser i natta sitt mørke eller morgonen 
og kvelden sitt halvmørke, blir tydeleg når sola slepp til.

-men når sola ikkje skin så saknar eg den-

....................................

Slik er det også i livet mitt.
Det er ikkje særleg godt når ein oppdagar at ein ikkje alltid
er så snill og god som ein ynskjer.
Når ein ikkje rekk over alt ein vil, 
og når ein angrar meir på det ein ikkje får gjort enn det ein har gjort.

For meg er det godt å få synge på denne songen:

1.Du får koma til Jesus med det som er tungt, Med di synd og di sorg og di sut! Du skal vita for visst: Om du kjem som du er, Skal han slett ikkje støyta deg ut.

2. Du får koma til Jesus i motgang og tvil, Og når nedbøygd i mismot du går. Han vil kveikja din hug, Han vil tendra ein smil Og for vinter deg gjeva ein vår.

3. Du får koma til Jesus når gale det gjekk. Du får koma for tusende gong. Han vil reisa deg opp, han vil gle deg igjen. Han vil fylle ditt hjarta med song.

4. Du får koma til Jesus i ungdomens tid. I din manndom og når det vert kveld. Du får koma til Jesus når sola går ned, Og dei nattsvarte skuggane fell.

5. Du får koma til Jesus i Faderens hus. Der hans herlegdom skal du få sjå. Du får vera hos Jesus til æveleg tid. Sei, kva meir kan du ynskja deg då?

Tekst: Trygve Bjerkrheim

.....................................
God søndag og ny veke!

Rundt omkring og rundt omkring igjen..

har du det slik av og til?

at alt berre går rundt omkring?

du skal rekke det eine og ikkje gå glipp av det andre..

så berre fyk timane, dagane, månedane og faktisk åra..

innimellom MÅ ein berre stoppe opp
"stikke fingeren i jorda"
ta seg tid til å kjenne etter..

kjenne at du puster
kjenne at du lever
kjenne på at livet ikkje berre er ein motorveg
mellom vogge og grav..

så innimellom prøvar eg å stoppe opp
for å nyte livet

ta meg tid til mann og born
ta meg tid til ein prat i telefonen
ta meg tid til å gå på eit møte
ta meg tid til ein rusletur
ta meg tid til å "fange" eit bilde
ta meg tid til..

og du..
 eg har eit mål om å bli enno flinkare til nettopp dette..

.............................................

"Ta deg rolig tid til å være lykkelig. 

Tiden er ingen motorvei mellom vuggen og graven, 

men plass til å parkere i solen."

 Phil Bosmans || Tid | Lykke

SYNG FOR MEG

Syng for meg du vesle sporv.

Syng ein song om glede.

Lyft mitt sinn mot han som ser

til mi sorg her nede.

Syng for meg du vesle sporv.

Syng når eg må gråte.

Minn meg om at Gud har løyst

livsens tyngste gåte.

Syng for meg du vesle sporv. 

Syng når dagen hallar.

Han som skapte dag og natt

morgon ny framkallar.

- Annbjørg Helland Sævareid-

(frå diktsamlinga Juvelen)

Matteus 10

29 Blir ikkje to sporvar selde for ein skilling? 

Og ikkje ein av dei fell til jorda utan at Far dykkar er der. 

30 Ja, kvart hårstrå på hovudet dykkar er talt. 

31 Så ver ikkje redde! De er meir verde enn mange sporvar. 

.................................................................................................................................

Deler på 
Skywatch Friday

Aprilbukett

Blomster små
Gule, blå
Titter opp av marken nå.
Vinker til Bloggevenner-lill,
Fordi dei er så snill!

......

Tenk dette er ein Aprilbukett frå eigen hage. Ikkje verst?!

Når naboen har bursdag er det kjekt å kunne glede med litt blomster.

Sol i dag igjen. Rett og slett ein fare for å bli litt bortskjemt, eller?

Ha fin kveld!

Påskefri

PÅSKEFRI

FRIPÅSKE

PÅSKESOL

SOLPÅSKE

...............

Så heldig eg er..

Berre få minutt frå huset mitt..

Kan eg nyte verdast finaste tur

 i verdast finaste natur..

Saman med han eg har delt livet med

 i over halve livet mitt.

Slike dagar har ein meir lyst til å vere ute enn inne.

I morgon er det kvardag igjen.

Det må vel gå bra?

For eg har verdast finaste jobb,

saman med verdast finaste kollegaer.

Så heldig er eg..

VONAR DU OGSÅ HAR DET BRA!

PÅSKEKLEM

..................................

Deler på 

"Vivishagerom og litt til"

Helgegleder/Påskegleder 

God Påske

I Påska i 2011 la eg ut sangen Jesu siger. 

No ser eg at den finst på YouTube.

Ta turen innom, lytt og bli glad. 

Her er linken: Jesu siger

Berre innom for å ynskje dokke alle

God Påske!

...........

linka til Alt som er vakkert

Fridom

Vesle humle er du fanga eller fri?

Langt nede på botnen av glaset har du landa.

Over deg er himmelen høg og fri.

Det er du sjølv som held deg fanga.

Humle, surr og surr.

Stig opp igjen.

Lat dei små vengane dine lyfte deg til fridom.

Kvifor vere fanga når du kan vere fri?

-Sigrid 06.04.14-

...........................

Kva er fridom? Vi har vel alle ulike tankar om det...
Og kva brukar vi denne fridommen til?

Fridom er ein tilstand der ein kan ta avgjerder etter eigen fri vilje. Fridom kan til dømes omfatta at ein er fri til å tru, tenka, seia eller gjera noko, og at ein kan velja kven ein vil vera saman med og kvar ein vil vera. Ein kan snakka om fridom i høve til eit individ, ei gruppe eller ein stat.

Å vera kristen er å vera eit fritt menneske. 
Trua på Jesus skaper frie menneske, ikkje bundne menneske. 
Han sa sjølv: "Får Sonen gjort dykk frie, blir de verkeleg frie." (Joh 8,36)

For meg vart møte med denne humla tankevekkande..

...................................

Tenk det er April og snart Påske.

Det er VÅR og ei herleg tid.

Nyt den!

♥