PÅ HEIMVEG..

MARSTEIN I ROMSDAL 16.AUG 2015

«Solglans som skjelv over sommarblå kvelv, 

vindsus i lauvrike dalar, 

bekker som syng mellom blomar og lyng, 

bårer som voggar og skvalar, 

tusen av tonar frå hei og hav lovar vår Herre som livet gav.» 

Salmeboka nr.767. 

.....................................................

etter ei helg på det flate, men vakre Østfold

på heimveg

så godt å sjå fjella som knausar

oppleve at den etterlengta sola farga himmelen

i vakre fargar

farlege og vakre fjell

til glede og sorg

...................................

VONAR DIN KVARDAG ER FIN!

PÅ JAKT

På Olavfestdagane i Trondheim var det mange boder 

og mange som "ropa" etter merksemd.

På ei av bodene hadde Bibelselskapet ein plakat som eg berre 

måtte fotografere.

TID

er noko vi alle har eit forhold til.

Nokon har alt for mykje som ein skal bruke tida til.

Og andre klarer ikkje å fylle tida og er einsame.

Uansett kva kategori ein tilhøyrer er det godt å kunne seie:

I DI HAND ER MINE TIDER!

I FJØRESTEINANE

FERIE!!

BERRE VERE OG INGENTING GJERE..

HØYREST IKKJE DET FLOTT UT?

BRØD OG SIRKUS

GI FOLKET DET DEI VIL HA

DÅ VERT FOLKET GLAD

- GI DEI BRØD OG SIRKUS

EG HAR VORE TURIST I MIN UNGDOMSBY - TRONDHEIM

(gjekk på KVT i 3år)

DER VART EG TILSKODAR TIL OG IKKJE DELTAKAR PÅ

OLAVFESTDAGANE.

DET FYRSTE SOM MØTTE MEG I PORTEN TIL NIDAROSDOMMEN 

VAR EIN TIGGAR PÅ VENSTRE SIDE OG 

EIN KLOVN SOM SOLGTE BALLONGAR PÅ HØGRE SIDE.

DET VAR HEILT SIKKERT MYKJE POSITIVT SOM SKJEDDE DESSE DAGANE. 

MEN FOR MEG SOM IKKJE DELTOK, MEN BERRE OBSERVERTE 

VART DET EI STADFESTING AV DET SOM ROMERANE FOR OVER 2000 ÅR KOM FRAM TIL: 

 «Gi folket brød og sirkus, så er dei fornøgde!»

EIT YRANDE FOLKELIV, SALGSBODER AV ALLE SLAG, MAT OG DRIKKE, MUSIKK...

KVAR VART "DET HEILAGE" AV I DETTE KAOSET?

DER DET FYRST OG FREMST VAR PENGANE SOM RÅDDE GRUNNEN?

.....................

KANSKJE DUMT AV MEG Å TENKE SÅNN?

DEI SOM DELTOK FEKK SIKKERT EIT HEILT ANNA UTBYTTE AV

OLAVFESTDAGANE ENN EG. 

SÅ KANSKJE EG BØR GI DET EIN SJANSE EIT ANNA ÅR SOM DELTAKAR!?

SOMMARDRAUM 2015

DETTE ER MIN SOMMARDRAUM!

SÅ UENDELEG VAKKERT!

BLIR ALDRI LEI AV DETTE MOTIVET.

DET ØVERSTE ER TATT PÅ SØNDAG.

DET NEDERSTE ER FRÅ JULI 2014.

HER ER INNLEGGET DÅ EG BRUKTE BILDET.

VONAR DIN SOMMAR ER FIN!!

PÅMINNING

KVAR MORGON NÅR EG GÅR PÅ BADET SER EG DETTE BILDET.

EG HAR TATT BILDE OG BESTILT DET MED TEKSTA:

BEGYNN KVAR DAG MED EIT TAKKNEMLIG HJERTE!

EI STERK PÅMINNING OM AT EG TROSS ALT BUR I EIT AV VERDAS RIKASTE LAND OG AT MINE PROBLEM OG UTFORDRINGAR SOM OFTAST IKKJE ER SÅ STORE NÅR EG SAMANLIKNAR DEI MED ANDRE SINE.

................

Start dagen med takknemlige tankar. Det står i Bibelen, Salme 92,2-3

 2 Det er godt å takka Herren
          og lovsyngja ditt namn, du Høgste,
         
     3 å kunngjera di miskunn om morgonen,
          din truskap om nettene.

............................

GOD HELG!

SKODJE BRU

NYDELIGE SKODJE BRU FRÅ 1922.

LITT INFORMASJON:

Skodje bru, som var ferdigstilt i 1922, skal vere den største buebrua i Skandinavia, og er eit arkitektonisk og handverksmessig meisterverk. Steinen i bogane og i endekara er handhogd. Bindingsmuren er gjort av brun klinkerstein.
No er den gamle brua stengt for biltrafikk, og ei ny bru, Straumsbrua, teken i bruk frå 3. juli 2004.
Området ved Straumen og den gamle brua er ei perle, og ved bygginga av ny bru vart det lagt vinn på at den nye brua skal stå arkitektonisk i harmoni til den gamle brua. Dette har ein lukkast med, og området framstår no som ein attraksjon det er vel verdt å få med seg. Skodje bru er blitt gang- og sykkelveg, og skal takast vare på som kulturminne. Statens vegvesen har lagt til rette for publikum mellom anna med eit utkikkspunkt og parkeringsplass på nordsida av nybrua. Det er her også lagt til rette for funksjonshemma. Den nye brua har fortau og er opplyst, og den gamle brua vil bli lyssett for at den skal kome til sin rett også på kveldstid.  (henta frå her)

STRAUMSBRUA SOM VAR NY I 2004 ER OGSÅ VAKKER Å SJÅ PÅ.

.....................

SOMMAREN HAR HITTIL VORE KALD. MEN INNIMELLOM GLIMTAR DET TIL.

DÅ ER DET BERRE Å "KASTE" FRÅ SEG ALT EIN HAR I HENDENE OG KOME SEG UT I DET FRI. 

ER DU PÅ SUNNMØRE ER EIT BESØK PÅ SKODJE BRU VEL VERDT Å FÅ MED SEG.

................................

DELER PÅ SKYWATCH FRIDAY