Kjære Halvor Bakke!

(Dekorasjonen har eg laga sjølv, for dei som lurte. Ha-ha))

(Det vakre ♥ fekk eg med ei god vennine til Jul. Takk Marit!!)

Tenk at i mitt hus finn du enno Julepynt!

Står der og gleder meg sjølv om 7 dagar av det nye året er omme.

Eg drikk fortsatt kaffi frå Julekrus.

Og det vakre Englehjertet mitt som Hulda har laga

heng fortsatt framme.

 Juletreet er ute av huset.

Ikkje fordi eg var lei av det, men når treet dryss 

og stova ikkje spesielt stor er valget lett.

Men eg er ikkje lat! :-)

Eg seier som ein kollega, eg tek fram Julepynten når eg vil 

og pakkar den ned når det passar meg.

......................

Kristi Himmelfartsdag

Kristi Himmelfartsdag er ein viktig dag for den kristne kirke. 

I våre dagar er Kristi Himmelfartsdag ein dag mange setter pris på. Kristi Himmelfartsdag vert alltid feira på ein torsdag og er heilagdag og fridag. Mange tek seg også fri på den inneklemte fredagen, og dermed blir Kristi Himmelfartshelga ei skikkelig langhelg.

Kristi himmelfartsdag feirast 40 dagar etter Påske, og markerar at Jesus ble tatt opp til himmelen medan disiplene såg på. Jesu himmelfart skjedde 40 dagar etter oppstandelsen på første påskedag.

Eg for min del er glad for at vi har denne dagen.

Den markerar ei ny epoke i Jesu liv.

Og i livet til oss som vil høyre Jesus til.

Jesus kan no vere alle stadar,

her hjå meg og hos deg på same tid.

....................................................

Men så er det somme som vil ha vekk desse bevegelige heilagdagane. 

Og mange anar ikkje kva ein feirar denne dagen. 

Vi er ulike, men eg vonar det kan fortsette som før.

Her har eg skreve om Kristi Himmelfart i 2010

-----------------------------

Her på Sunnmøre har det vore ein strålande dag med sol. 

Godt å få glede seg over livet og endåtil finne grøne jordbær i jordbæråkeren! 

Det er håp om raude jordbær om ei stund.

Og SÅ kjekt å ha besøk av mi gode vennine Astrid frå Harstad. 

Sjølv om ho er 28år eldre enn meg har det ingen ting å seie. 

Og vi har kjent kvarandre omtrent like lenge som ho er eldre enn meg.

VONAR DIN DAG HAR VORE FIN!

DESEMBER-STEMNINGER / DECEMBER MOODS

Helene med bloggen

Alt som er vakkert

utfordrar oss igjen.

Denne gongen er det

 

DESEMBER-STEMNINGER / DECEMBER MOODS

 

ho vil ha på Mandagstema.

 

Kva gir vel meir stemning enn eit bakebilde?

 

 

Det er mi kjære storesøster som svingar kjevle så flott.

Mamma brukte å kome til systra mi i slutten av november.

Då var det baketid!

 

Etter at mamma døde i år 2000

har vi prøvd å halde tradisjonen i hevd.

 

Så no er årets produksjon av lefser ferdig baka og ferdig smurt i frysaren.

 

Herleg!! 

 

Jonsokkveld

Jonsok, òg kalla sankthans, jonsvaka eller jonsmesse er den 24. juni. Ved jonsok er det vanleg mange stader i Nord-Europa å feire midtsommar. Mange stadar vert det brent bål på jonsokaftan den 23. juni. På primstaven er jonsok gjerne merka av med ei krune, ein kross, ein ljå eller eit tre.

Namnet Jonsok kjem av det norrøne jónsvaka, av Jon, som er ei forkorting av Johannes. St. Hans er ei forkorting av Sankt Johannes' dag. I den katolske kyrkja er den 24. juni minnedag for Johannes døyparen.

Henta frå Wikipedia

God Jonsokkveld!

Jakob og Neikob

Dette er Jakob og dette er Neikob.

Dei er gode venner..

Jakob seier JA til alt og Neikob seier NEI til alt..

Det finst både bok og film om dei.

Nynorsksenteret i Volda/Ørsta står bak desse og fleire andre bøker og filmar.

Dei har eigne sider for born Les for meg, der ein blandt anna finn filmen om Jakob og Neikob.

Brukar du linken til Jakob og Neikob kjem du inn i ei stove med TV 

og trykkjer du 1 på kanalen startar filmen.

Nynorsksenteret arbeider for at det skal verte lettare for dei små å høyre NYNORSK.

PS: Jakob og Neikob no også som TV-stjerner.

FOR MEG ER NYNORSK EIN DEL AV MIN IDENTITET 

OG EG SYNS AT DETTE ER FLOTT.

Det vil alltid vere ulike meiningar om dette med bokmål og nynorsk, 

og den debatten tek eg ikkje her.

...........................................................................................................

Måtte vi alle få ei kjekk veke! 

Tenk neste helg er det ADVENT!

KNASK ELLER KNEP?

BILDE HENTA FRÅ GOOGLE SI FRAMSIDE

SA EIN GJENG MED FÆLT UTKLEDDE BARN DÅ DEI RINGTE 
PÅ DØRA VÅR I KVELD.


"MEN EG HAR SÅ LITE Å GI OG DOKKE ER SÅ MANGE.." 
BERRE TRE SMÅ SJOKOLADAR VAR IGJEN I LAURDAGSGODTEPOSEN..

"DET GJER INGENTING, 

FOR VI SKAL DELE!"

DEI FEKK DET VESLE EG HADDE, SA TUSEN TAKK 
OG SPRANG FORNØGDE AVGARDE TIL NESTE HUS..


EG STOD ATT PÅ TRAPPA OG TENKTE:

VISS DEI LÆRER Å DELE SÅ ER DET IKKJE 

SÅ GALE MED HALLOWEEN ALIKEVEL!

17.mai 2010

Takk, Herre,

din nåde mot Noreg var stor!

Me takkar deg, Herre,

for Noreg.

GRATULERE MED DAGEN!

Helgetorsdag

Det er Helgetorsdag som gamle folk seier..
Eller Kristi Himmelfartsdag som det offisielt heiter.
For svært mange er det berre ein etterlengta raud dag på kalendaren.
Eg for min del er glad for at vi har denne dagen.
Den markerar ei ny epoke i Jesu liv.
Og i livet til oss som vil høyre Jesus til.

Jesus kan no vere alle stadar,

her hjå meg og hos deg på same tid.

VONAR DU HAR EIN

GOD KRISTI HIMMELFARTSDAG

DER DU ER!

ps: eg sit i sola!

.....................................................................................................................................................

Kristi himmelfartsdag (latin: ascensio Domini) er en kristen bevegelig høytidsdag som feires 39 dager etter 1. påskedag (altså 40. påskedag), det vil si torsdag mellom 6. og 7. søndag i påsketiden. Kristi himmelfartsdag faller på 13. mai i 2010, og på 2. juni i 2011. Den feires til minne om at Jesus Kristus ifølge Evangeliet etter Lukas skal ha fart opp til himmelen 40 dager etter sin oppstandelse.

Festen ble antagelig innført på 300-tallet, da enkelte kristne kirker begynte å feire den som egen fest. Det første kjente eksempel på at denne finnes i en liturgisk kalender er fra begynnelsen av 300-tallet, da synoden i Elvira avviste en skikk med å begynne en ny fasteperiode etter den førtiende dag. Begrunnelsen for en slik faste ser ut til å ha vært at man ville markere at Kristus var tatt bort fra jorden. Feiringen nevnes også i prekener av St Johannes Krysostomos og andre.

I Norge er Kristi himmelfartsdag en offentlig høytidsdag som ofte kalles bare «Kristi himmelfart», eller spøkefullt «himmelspretten». Kilde: Wikipedia

........................................

Kristi himmelfartsdag er 40 dager etter Kristi oppstandelse og faller alltid på en torsdag.

Jesus hadde levd et liv, geografisk og historisk bundet til en bestemt tid og et bestemt område. I og med himmelfarten ble han hevet over tid og rom. Han kan være alle steder på en gang. Han har all makt i himmel og på jord. Men himmelen kan ikke stedfestes. Himmelen er der Gud er.
Funne her.

Med hjarte på rette staden.....

Bilete er lånt, men finn ikkje igjen staden...

Laurdagskvelden kan nok "aldri"

verte den same meir..

No har det skjedd det eg har frykta lenge...

MED HJARTE PÅ RETTE STADEN

er ikkje lenger på Nrk sitt program på laurdagskvelden...

Ein tradisjon er slutt!

Ei epoke er over!

Eg som så og seie kvar einaste laurdagskveld i mange, mange år har samla familien rundt heimelaga Pizza og Hjarte på rette staden...

No vert det eit vakum,

nesten så ein kan få abstinens ;-)

Har du eit godt råd til meg?

God laurdag i ditt liv!!

IVAR

Dette er Ivar...

Nei, det er ikkje mannen i mitt liv ;-)

Men han har prega livet mitt i mange, mange år.

Ivar Aasen han som ofra kjærleiken pga språket.

Tenk for ein innsats han gjorde for nynorsken. Og det på ei tid utan den kommunikasjonen vi har i dag.

I mi ungdomstid skreiv eg særoppgåve om han. Og gjennom det vart eg meir klar over mi eiga dialekt og mitt eige skriftsspråk.

Det å verte klar over eigen identitet er faktisk svært viktig!

Den som vil lese meir om Ivar finn det her.

bilete av han har eg faktisk hengande på ein vegg og det er det som er avfotografert

Har du "kasta" ut Jula no?

bilete lånt her

Det er visst 13 dag Jul i dag og då skal det vere på tide å rydde vekk Jula.

Trettende dag jul (Hellige tre kongers dag)

Den 6. januar er det trettende dag jul. Dagen skal minne om mennene fra Østerland som kom til Betlehem. I Bibelen kalles de kun for de "vise".

Gamle juledag
Mange steder ble dagen kalt Gamle juledag og ble feiret som den virkelige juledagen. Man spiste julemat og hadde trearmede lysestaker på bordet (helligtrekongers lys). Man drakk også en skål for et godt år. På kvelden måtte folk holde seg i hus - da begynte nemlig Åsgårsreia sitt tilbaketog. Det man drømte denne natten ville skje i virkeligheten.

Trettendedagen var også en viktig merkedag for været. Dersom det var fint og klart vær på trettendedagen ga det et godt og grøderikt år sa man. Været denne dagen ville vare i 13 dager. Nå begynte også den kaldeste delen av vinteren.

Dagen ble også av noen kalt Avfaredag. Det var fordi juleturingen nå var over og alle gjester skulle reise hjem. Noen brukte også tyvendejuledag til reisedag.

Primstavens tegn for denne dagen er en klokke, tre kors, tre kroner eller tre menn.

fakta henta her

Kanskje du syns det er så kjekt med Jul at du ventar litt til?

Då har du ein annan tradisjon å "skulde" på ;-)

20 dag Jul:

Tjuende dag jul var jula over. Denne dagen ble også kalt St.Knut, og folk sa at "tjuende dag knut jager jula ut". Mange steder ble det vanlig å markere dette ved at de jaget ut jula med sopelimer.
Over hele landet holdt de tjuendedagen for å være "gamle nyårsdag". Dette kom av at trettendedagen ble regnet som gamle juledag.
Tjuendedagen skulle jula ringes ut og julølet drikkes opp.
"Snør det tjuendedagen, vil det bli 20 snørier før sommerdagen 14.april, ble det sagt i Romsdal.

fakta henta her

Og for den som er ekstra glad i Jul finst det enno ein tradisjon å skulde på.

Kyndelsmess Knut.

Kyndelsmess
Kyndelsmess er 2. Februar. Det var en sterk dag i folketrua. "Kyndelsmisse - Naar Solen skinner klar den dag, falder der mere sne end tilforn", står det i "Nordske Calendarium" fra 1724. I den katolske tida var det prosesjon med brennanes vokslys den dagen. Man kunne vente seg hardt ver omkring kyndelsmess. Godver og mildver påkyndelsmess var et dårlig merke. Et nordnorsk ord om dagen er: "Di bekkan som går på kyndelsmess, di står ved korsmess" (3. mai). Nordpå heitte det enkelte plassa: "Som veret e kyndelsmessdagen, slik blir det i 7 veke". I låven skulle ikkje meir enn halvparten av foret være brukt, og uti skogen snudde bjørnen seg i hiet den dagen og sov videre.
Enkelte regna kyndelsmess som siste juldagen - og no var det han "kyndelsmess-Knut som jaga jula ut". Og i Trondenes sa de:
Jula vara heilt te kyndelsmess.
Sia e det vinter og vår
i kver manns gård.

Fakta Henta her

Julemotar

Julemotane skiftar,

akkurat slik som andre motar....

Men sjølv om motane endrar seg

er det enkelte ting ein tek vare på..

Denne stoffkransen har eg fått av

systra mi for maaaaange år sidan......

Den må kome fram til Jul

sjølv om det ikkje er dagens mote..

Tradisjon og minne er viktigare ;-)

Bakedag med tante

ALLE BURDE HA EI TANTE SOM STILLER OPP FOR SEG....

EI SOM STÅR KLAR MED FERDIG KAKEDEIG TIL JULEBAKST...

MINSTEMANN

(SOM IKKJE ER SÅ LITEN LENGER)

FEKK EIN ETTERLENGTA DAG SAMAN MED TANTE SIST LAURDAG...

GODT AT DU FINST KJÆRE SYSTÅ MI ;-)

Kalendertradisjonar

bilete funne her

Stakkars borna mine, dette året får dei berre kjedelege sjokoladekalenderar.... ;-)

Men det får duge når ein ikkje har energi til så mykje meir.

Alle andre er så kreative, dei lagar flotte kalenderar.

Og kvar Advent tenkjer eg,

ja til neste Advent då skal eg....

bilete funne her

Tidlegare år har eg vore litt meir kreativ..

Eg har laga skattekart!

På ein lur plass har eg lagt noko gotteri eller praktiske ting..

Og så har eg laga kart over huset.

Fordelen med det er at eg kan vere litt lat,

for då må eg berre ha 3 pakkar på lur kvar dag

og slepp å ha 72stk klar til 1.des ;-)

Men til neste år....................

Ja, vi kan godt ta med eit ordtak som høver på dette innlegget:

I morgon vil eg byrja på eit nytt og betre liv, trur eg.

Jakob Sande

Eg veit at det er Advent .....

når hausthimmelen er lilla.

når gjestehandduken er lilla.

når dei lilla blomane i St.Paulia kjem fram.

når eg skiftar ut dei gule post-it lappane til lilla.

(ja, eg veit dei ser rosa ut, men det er berre på bilde)

når speidarane kjem for å selge Adventskalender.

Advent

Advent er ventetida før jul.

Ordet advent (kjem frå latin) tyder eigentleg Herrens komme, og har blitt brukt som namn for denne ventetida heilt sidan slutten av 400-talet.

I følge tysk tradisjon refererar advent til dei 24 dagane oppunder jul, altså 1-24 desember .
I adventstida førebur vi jula og ventar på Jesusbarnet sitt komme.

1.søndag i advent, markerar starten på kyrkjeåret, den fell alltid mellom 27. november og 3. desember.

Før i tida - fram til den andre verdskrigen - vart advent kun markert i kyrkjene. Dei siste åra har det vorte vanlig å pynte heimane med forskjellig adventspynt som lys, kalenderar, kransar m.m.

Som adventsfarge brukar ein som oftast lilla/fiolett.

Adventslysestaken finst i mange heimar. For kvar søndag i advent tenner vi eit nytt lys i staken og syng/les eit vers om Advent.

Her er den sangen vi brukar i vår heim:

No tenner vi det første lys,

åleine må det stå.

Vi ventar på det vesle barn

i krubba lagt på strå.

No tenner vi det andre lys,

dei står der stilt og skin.

Vi ventar på at Gud, vår Far,

vil sende Sonen sin

No tenner vi det tredje lys,

det er eit heilagt tal.

Vi ventar på at Kongen vår

skal fødast i ein stall.

No tenner vi det fjerde lys

og natta vert til dag.

Vi ventar på ein Frelsarmann

for alle folkeslag.

Tekst: Sigurd Muri 1963 (frå Ørskog på Sunnmøre) - Melodi: Emmy Köhler 1898 (Nå tennes tusen julelys)

Faktaopplysningar henta frå blandt anna: AKTIV I OSLO

Julemessetid

Englebilete er lånt på http://nlm.no/

Eg har alltid vore imponert over alle Julemessedamer (ja, det er mest damer) som står på heile året for at vi i november skal få lov å gå på Julemesse...

Mamma var med i Misjonsforening, ho og dei andre strikka og broderte året rundt, fyrst for å lage basar på heimplassen og etterpå til Julemessa i kommuna vår.

Sist laurdag var eg på ei Julemesse, og der var det mykje flott å få kjøpe...

God mat var der også ;-)

Mi gode vennine E er ei av dei eg vil rose for dette flotte arbeidet.

Etter ei evaluering i slutten av november har ho og dei andre

Julemessedamene ei kort pause, i januar er dei klar til ny dyst...

Dette står det respekt av...

Alt dette arbeidet gjer dei for å gi evangeliet vidare til heile verda..

Takk for innsatsen og lykke til med nytt Julemesseår!

Epletid

Eplebilete og fakta om eple frå frukt.no

Tenk eg har fått kjøpt meg to kasser med eple frå Marifjøra..

Herleg epleduft sprer seg kvar gong eg vitjar lagringsstaden..

Så no startar eg kvar dag med eit glas vatn og eit eple på fastande hjerte..

An apple a day keeps the doctor away..

det går no ann å håpe i allefall ;-)

I helga vart det eplekake med metoden ein desj ditt og ein datt, og etande vart det..

Eg hugsar godt min barndom då epleseljarane kom frå Nordfjord..

ei anna dialekt (nesten frå utlandet) og kjekt å få eple i hus..

1.kasse med Summerred
Summerred er middels stor, oval til eggeformet med rød dekkfarge og sprøtt, kremgult fruktkjøtt. Middels fast, saftig og sprøtt fruktkjøtt. Smaken er syrlig, god og aromatisk. Eplet har en god holdbarhet.

Sesong: September - desember.

1.kasse med Rød Gravenstein
Rød Gravenstein er en rød variant av vanlig gravenstein, og er etter hvert den mest vanlige. Smak og egenskaper er lik vanlig gravenstein. Gravenstein kommer opprinnelig fra Danmark og er klassikeren i norsk epleproduksjon. Den har vært dyrket i Norge i ca 200 år, og er fortsatt en av de viktigste eplesortene her i landet. Vi har to varianter: Gul og rød gravenstein. Gravenstein er gjerne storfalne, runde og litt knudrete rundt blomsterenden. Eplet er gult med rødt kinn og er lett å kjenne igjen på at skallet ”svetter” og virker fett .

Gravenstein er svært saftig og et nydelig spiseeple med en litt syrlig, fin aroma. Godt egnet også til bakverk og med god holdbarhet.

Tradisjon

Gjennom mange år er det blitt tradisjon at heimelaga Pizza står på menyen på laurdagskvelden. Viss det av ein eller anna grunn ikkje blir "Mamma-pizza" vert det protestar. Tradisjonar er det viktig å ta vare på, det gir gode barndomsminner.

I deiga prøver eg å ha litt grovt i, om ikkje anna så litt havregryn. Og eg lagar alltid så mykje deig at det blir nok til rundstykker til søndagsfrukost.

Til fyll er det kjøttdeig eller aller helst karbonadedeig, gulrot, ananas og pizzafyll.

Og på toppen herleg raspa kvit ost.

Så når laurdagskvelden kjem samlar vi oss alle fem, et pizza og ser

"Hjarte på rette staden".

Det er kjekk tradisjon!!

Kva tradisjonar har du?