Novemberglede

Mi helgeglede denne gongen er denne kaktusrosa.

Berre ein einaste blomster.

Kunne kanskje ha irritert meg over at det berre kom ei rose?

Men fann ut at det var betre å glede meg over den eine.

Kaktusen heng i eit makraméanheng.

Det laga eg for mange, mange år sidan til foreldra mine.

Og når dagen for deling kom vart det naturleg at det vart mitt.

Eg ser fortsatt for meg plassen den brukte å henge, og kva plante som var i den.

.....................................................

GOD HELG!

Mjukt - Velkomen!

Bloggen

ALT SOM ER VAKKERT

sitt mandagstema denne gongen er

 

MJUKT/SOFT

og her er mitt bidrag:

 

I mai vart Tobias fadderguten vår konfirmert.

Og vi var heldige som fekk kome på øya i konfirmasjon.

 

Sjå så fint kvar enkelt kuvert var pynta.

 

Mjuke serviettar på fata og vakre mjuke blomar på bordet.

Ein føler seg ekstra velkomen når ein finn sitt eige namn.

.....................

 

Fin veke til deg!

........

Besøk gjerne Helene med bloggen

Alt som er vakkert

for fleire mjuke bidrag.

 

 

Heldige meg :-)

Sjå kva som kom i posten i dag!

For tru det eller ei, eg har hatt vinnarlukke igjen..

Lise med bloggen Hasigamas univers trakk meg ut

(det var mannen som sa talet 97) :-)

Tusen takk til begge to!

Pakken var fint innpakka med lerkekonglar på

og eit koseleg kort kom også.

(fekk ikkje tatt bilete då kamera ligg hjå søstra mi)

VONAR HELGA VERT FIN FOR OSS ALLE!

Fornying

I sommar har postkassestativet vorte fornya..

Vonar det vart litt koselegare for postbuda

å levere post til oss.


Og så er det mykje kjekkare å hente den også ;-)


..............................

♥ takk til husbonden som ordna det så fint

og så endåtil med blomster ♥

Julemotar

Julemotane skiftar,

akkurat slik som andre motar....

Men sjølv om motane endrar seg

er det enkelte ting ein tek vare på..

Denne stoffkransen har eg fått av

systra mi for maaaaange år sidan......

Den må kome fram til Jul

sjølv om det ikkje er dagens mote..

Tradisjon og minne er viktigare ;-)

Hjarteleg Velkomst

Dette hjartet heng ute og ynskjer folk Velkomen inn ;-)

Viss du har lyst til å lage noko liknande sjølv er det nokså enkelt:

1. Du går i skapet og finn ein ullgensar som ikkje vert brukt, den tovar du.
2. Så klipper du ut hjarte og pyntar det.
3. Gå ein tur i skogen (gratis trim), der finn du nokre bjørkegreiner som du formar til eit hjarte.
4. Så festar du ullhjarte på bjørkehjarte.
5. Og vips, så har du fin pynt å henge opp der du vil.

Mitt hjarte vart laga på sosialkveld med personalet mitt.

Takk til kreative Maria som hadde alliert seg med si kreative mor.

Før vi laga hjarte fekk vi ete oss gode og mette på herleg heimelaga Hjortegryte.

Og til kaffien vart det servert verdens beste sjokoladekake...

Veldig kjekk gjeng å arbeide saman med og veldig kjekt å gjere noko sosialt saman!

Viktig å tenke på noko anna enn jobb også....

Advent på trappa

Eg ser at mange alt har pynta så fint på trappa til Jul.

Den som kjem til oss vil finne dette gamle emaljerte fatet med røsslyng og mose i.

Fatet hadde nokon berre slengt frå seg og det vart no eg glad for.

Gjenbruk er tingen!

Dei gamle tørka greinene er utruleg dekorative.

Andre hadde vel brukt dei til ved.

Slik er det med alt; det er auga som ser og heldigvis er vi ulike.

Sånn eigentleg er det haustpynten vår ;-)

Men eg syns det passar til Advent også.